«Юл хәрәкәте законы – һәркемгә таныш»: уен-сәяхәт (6+)
24 июньнән 29 июньгә кадәр мәктәп яны лагеренда ял итүче балалар өчен Үзәк балалар китапханәсе, укучыларга юлларда үзеңне дөрес тоту кагыйдәләре турында искә төшерү өчен, «Юл хәрәкәте законы – һәркемгә таныш» дигән уен-сәяхәт уздырды.      Плакатта ясалган шәһәр урамы буйлап йөреп һәм төрле биналар янында тукталыш ясап, балалар биремнәр үтәде. «Стадион»да велосипед йөртү һәм велосипедчы вазифалары турында үз белемнәре белән уртаклашты. «Мәктәп» тукталышында әкият геройлары һәм аларның утырып йөрү чаралары турында викторина сорауларына җавап бирделәр. «Кибет»тә киселгән кисәкләрдән юл билгеләрен җыйдылар һәм аларның мәгънәсен аңлаттылар. «Хастаханә»дә велосипедта йөргәндә алырга мөмкин булган яралар һәм андый очракларда беренче медицина ярдәме күрсәтү кагыйдәләрен өйрәнделәр. |
